بنات السعوديه

بغيت الطيب فيها طيب مـا مثلـه مثيـل
وإن بغيت الحسن ربي صاغها بأروع جمال


وإن بغيت الجود فيها الجود من عرقٍ أصيل
هذي بنت المملكه بنـتٍ تضاهـا بالرجـال


ما تعرف اليأس أو قولة بعيد أو مستحيـل
ما تلاقي عندهـا تعريـف للكلمـه محـال

منقول لعيووونكم
الصبوره القنوعه ترضـى بالشـي القليـل
لوما أخشى من الملامه كنت ألبسهـا عقـال


الرقيقـه الحنونـه راعيـة بـالٍ طـويـل
الكريمـه العظيمـه مـا تقصّـر بالوصـال


بنت أبوها تخدمه بعيونها لـو هـو عليـل
وأمها تفخر بها وتدعي لها بولـد الحـلال


أي وربي للسعوديـه انـا مارضـى بديـل
يا بعدهم يالرطب ياللي كسر سوق الخـلال


يالجميله يالأصيله جيـت لـك مثـل الذليـل
يطلب القرب بوصالـك جننـه زود الـدلال


يالحشيمـه يالرحيمـه يـا وفيـه بالخليـل
زان طبعك من جدودك ثم عمامك والخـوال


من يلوم اللي غدى من نظره بعينـك قتيـل
لو يحاول أو يقاوم ؟! مالـه بموتـه مجـال


إن حضرتي تشعلين الحفل بالخصر النحيـل
تبهرين الحفل وانتـي تصبحيـن الإحتفـال


من يشوفك غصب عنه قلبه المغـرم يميـل
مو بكيفه وين ما رحتي معاك القلـب مـال


إنتي نهرٍ ما يجف مـن العطـا يالسلسبيـل
وإنتي في دنيا الهوى وطبع الوفا أروع مثال


إنتي أختي وإنتي أمي وكل إحساسٍ جميـل
وإنتي العشق الحقيقي وزوجتي وأم العيـال

لو ألف الكون كلـه مـا ألاقـي لـك قبيـل
إنتي وحدك لا يهمك من حكى فيكـم وقـال
إنتي مثل النجمه اللي تضوي الليل الكحيـل
وإن يطال سهيل فانتي النجمه اللي ما تطال





منقوووووووول لعيونكم

تســـــــــــلمين ياقلبي ويعطيك الف عــــــافيه
>>>>بنت السعوديه
تقبلي مروري